डिपो रित्तिदा भोकको चिन्ता

Avatar
कर्णाली विजनेश मुगु - २८ मंसिर २०७७, आईतवार

मुगुमकार्मारोङका जनताका लागि स्थापना गरिएको मुगुको पुलु डिपो ८ महिनादेखि रित्तै छ । मुगुमकार्मारोङ गाउँपालिकाको पुलु खाद्य डिपोमा भने गत वैशाखदेखि खाद्यान्न ढुवानी भएको छैन । खाद्यान्न नपुग्दा स्थानीयवासी महँगोमा बजारको चामल किनेर खाँदैछन् ।

गाउँपालिकाका करिब १ हजार ३ सय परिवारका लागि आवश्यक खाद्यान्न उपलब्ध गराउन खाद्य व्यवस्था तथा व्यापार कम्पनीले पुलुमा डिपो स्थापना गरेको थियो । ढुवानीको जिम्मा लिएको शर्मा ढुवानी सेवाले डिपोमा चामल नपु¥याउँदा माथिल्लो बस्तीका मुगु, डोल्फू, कार्तिक, किम्री र तल्लोबस्तीका ताख, खारी, मह, रिउस गाउँका बासिन्दा महँगोमा चामल किन्न बाध्य छन् । शर्मा ढुवानी सेवामाथि मुगुको कालै पु¥याउनुपर्ने चामल भक्तपुर पठाएको आरोपमा जिल्ला प्रशासन कार्यालय सुर्खेतमा कालोबजारी ऐनअन्तर्गत मुद्दा चलिरहेको छ ।

हिमपातको बेला व्यापारीको चामल पनि पाउन मुस्किल हुँदा कसरी भोक टार्ने भन्ने चिन्ताले स्थानीयलाई सताएको छ । चितैगाउँका उर्गिन लामाले पैसा बोकेर चामल किन्न बजार जाँदासमेत रित्तै फर्किनुपरेको बताए । उनका अनुसार बजारमा चामल पाइहालेमा पनि प्रतिकेजी ८० देखि ८५ रुपैयाँसम्म पर्ने गर्छ । त्यही चामल डिपोमा ५० रुपैयाँसम्म पर्छ । ‘बरु पैसा कमाउन सजिलो, एक किलो चामल पाउन साह्रै गाह्रो,’ उनले भने ।

चालु आर्थिक वर्षमा पुलु डिपोका लागि १ हजार ७ सय ५० क्विन्टल चामलको कोटा स्वीकृत भए पनि ठेकेदारले ढुवानी गरेका छैनन् । गाउँपालिका अध्यक्ष छिरिङ क्याप्ने लामाले खाद्य कम्पनीसँग बारम्बार अनुरोध गर्दासमेत चामल नआएको बताए । (कान्तिपुर)

थप समाचार

घट्यो रियल इस्टेट कर्जा

२८ मंसिर २०७७, आईतवार
गत असारको तुलनामा असोजमा रियल इस्टेट (घरजग्गाको व्यावसायिक कारोबार) क्षेत्रमा बैंक तथा वित्तीय संस्थाको कर्जा प्रवाह घटेको छ । सरकारले जग्गाको कित्ताकाटमा बन्देज लगाएको, कोभिड–१९ को जोखिमबाट बच्न गरिएको लकडाउनले घरजग्गाको कारोबारमा सुस्तता आएकोलगायत कारण यो क्षेत्रमा प्रवाह हुने कर्जा पनि घटेको बैंकरहरू बताउँछन् । गत असोजसम्म बैंक तथा वित्तीय संस्थाले रियल… <a href="http://karnalibusiness.com/?p=116">पूरा पढ्नुहोस् »</a>