महावु बाहेक कर्णालीका सबै स्थानमा एमालेले उम्मेद्वार टुंग्यायो

स्थानीय तह उपनिर्वाचनका लागि नेकपा एमालेले देशैभर आफ्ना उम्मेद्वार टुंग्याएको छ ।

एमालेले मंसिर १६ मा हुने स्थानीय तहको उपनिर्वाचनका उम्मेदवारको टुंगो लगाएको हो । एमाले केन्द्रीय सचिवालय बैठकले शनिबार प्रदेश र जिल्ला कमिटीले गरेको सिफारिसलाई अनुमोदन गर्दै उम्मेदवार टुंग्याएको जनाएको छ ।

एमालेका उम्मेदवारहरुमा दैलेखको दुल्लु नगरपालिका–१३ मा वडाअध्यक्ष पदका लागि लालबहादुर शाही उम्मेदवार रहेका छन् ।

कालीकोटको तिलागुफा नगरपालिका–४ को वडा अध्यक्षमा ऐनबहादुर शाही, जाजरकोटको नलगाड नगरपालिका उपप्रमुखमा सुनिता बोहोरा, कुशे गाउँपालिका–७ को वडा अध्यक्ष पदमा डम्बरबहादुर घर्ती उम्मेद्वार रहेका छन् ।

डोल्पामा त्रिपुरासुन्दरी नगरपालिका–५ मा वडा अध्यक्ष पदका लागि जुना रोकाया, रुकुम पश्चिममा सानीभेरी गाउँपालिका–५ मा अमृता खत्री वडा अध्यक्ष पदका लागि उम्मेदवार रहेका छन् ।

त्यसैगरी हुम्लामा सर्केगाड गाउँपालिकाको उपाध्यक्ष पदमा जाना शाही उम्मेद्वार रहेको नेकपा एमालेले जनाएको छ ।

महावु गाउँपालिकाको अध्यक्ष पदका लागि नेकपा एमालेले हालसम्म उम्मेदवार टुंगो लगाएको छैन ।

कर्णालीमा एमालेका उमेद्वार