तोलामा ४ सय घट्यो सुन

सुनको मूल्य घटेको छ । नेपाली बजारमा सोमबार सुनको मूल्य घटेको हो । सुनको मूल्य तोलामा चार सय रुपैयाँले घटेर कारोबार भएको नेपाल सुनचाँदी व्यवसायी महासंघले जनाएको छ ।

छापावाल सुन प्रतितोला सोमबार एक लाख ६७ हजार रुपैयाँमा कारोबार भएको थियो । आइतबार छापावाल सुन प्रतितोला एक लाख ६७ हजार चार सय रुपैयाँ कायम भएको थियो । यो भाउ अहिलेसम्मकै उच्च हो ।

चाँदीको मूल्य पनि सोमबार तोलामा २० रुपैयाँले घटेको छ । चाँदी प्रतितोला दुई हजार ६५ रुपैयाँमा कारोबार भएको महासंघले जनाएको छ । आइतबार चाँदी प्रतितोला दुई हजार ८५ रुपैयाँमा कारोबार भएको थियो ।