६ वटा पदमा २७ जना नगर प्रहरी भर्ना गर्दै वीरेन्द्रनगर

वीरेन्द्रनगर नगरपालिकाले नगर प्रहरीका आवेदन माग गरेको छ । बुधबार एक सूचना जारी गर्दै नगरपालिकाले नगर प्रहरी तर्फ २७ जनाका लागि ६ वटा पदमा आवेदन माग गरेको हो ।

पालिकाले नगर प्रहरी तर्फ नगर प्रहरी निरीक्षक र नगर प्रहरी नायव निरीक्षक पदमा एक–एक जनाका लागि आवेदन माग गरेको छ । नगर प्रहरी सहायक निरीक्षक पद तर्फ दुई जना माग गरिएको छ ।

नगर प्रहरीको हवल्दार पदका लागि तीन जना, हेभी सवारी चालक तर्फका नगर प्रहरी जवानका लागि दुई जना र नगर प्रहरी जवानका लागि १८ जनाको आवेदन माग गरिएको सूचनामा उल्लेख छ ।

यि सबै पदहरुमा खुला तर्फ १७ जना, दलित तर्फ दुई जना, महिला तर्फ पाँच जना र आदिवासी जनजाती तर्फबाट तीनजना माग गरिएको नगरपालिकाले जनाएको छ ।

सबै पदहरुमा छनोट तर्फ शारीरिक परीक्षण, लिखित र अन्तर्वार्ता परिक्षाहरु हुनेछन् ।

हेर्नुस् सूचनाः