तोलामा ५ सय घट्यो सुन

नेपाली बजारमा आइतबार सुनको भाउ घटेको छ । पछिल्लो समय सुनको भाउ घट्ने बढ्ने क्रम जारी छ । साताको पहिलो दिन आइतबार सुनको भाउ तोलामा पाँच सय रुपैयाँले घटेको हो ।

नेपाल सुनचाँदी व्यवसायी महासंघका अनुसार छापावाल सुन प्रतितोला एक लाख ६६ हजारमा कारोबार भएको हो । साताको अन्तिम दिन शुक्रबार सुन प्रतितोला एक लाख ६६ हजार ५ सय रुपैयाँमा कारोबार भएको थियो ।

त्यस्तै आइतबार चाँदीको मूल्य पनि घटेको छ । चाँदी प्रतितोला एक हजार ९ सय ६० रुपैयाँमा कारोबार भइरहेको महासंघले जनाएको छ ।